2.72 करोड़ का फ्रॉड कैसे हुआ जानिए. आप कैसे बचे? ( "Google review" task fraud )
➽ Is fraud se Pune main ek vyakti ko 2.72 crore ka fraud ho chuka hai.
-:- Yah Scam Kaise Hota Hai?
Is scam main aapke WhatsApp main ek msj aayega
Jaise aap Intrested ka reply denge to vah aapko 2-3 links bhejenge aur kahenge ki sir aap isme 5-star rating de dijiye, dene ke baad screenshot bhej dijiye.
Aur aap review dekar jaise screenshot bhejoge, to woh sach mein aapke bank account ya UPI par paise transfer kar denge.
Lekin.. yahi se unka Fraud game shuru hota hai.
Jab aapke bank account main paise aa jate hai to aapko un par Bharosa ho jata hai aur yah kaam 1 haphte tak chalta rahta hai.
Phase 1:- Telegram "VIP Group" Me Entry
Kuch dino baad aapko Message aayega Sir, agar aap earning badana chahte hai to yah telegram group join kar lijiye.
Us group mein pehle se 100-200 log jude hote hain jo bade-bade profit ke screenshots bhej rahe hote hain.
Note: Inmein se 99% accounts bots ya unhi ke fraud partners hote hain.
Phase 2:- Prepaid Scam
Trust to ho hi gya hai. Ab Scammer kahenge Agar aap per day ka 2000-3000 earn karna chahte ho to Aapko ek task unlock karna hoga. ab vah ek link ke jariye Ek earning Portal par le jata hai. phir
Bolenge:
"Aap pehle ₹1,000 deposit karo, hamare portal par, aur fir kuch ghante baad ₹1,300 withdraw kar lo."
Shuruat mein yeh log ₹1,000 ke badle ₹1,300 sach mein withdraw karne dete hain, jisse aapka lalach aur trust double ho saken.
Phase 3:- Account Freeze Aur Bada Fraud
Ab amounts badhne lagte hain—₹10,000, fir ₹50,000, aur fir lakhon mein.
Jab aapka balance us fake dashboard par ₹5 Lakh dikhane lagega aur aap use withdraw karne jaoge, toh system block btane lagega.
Unka "tutor" ya "instructor" kahega:
"Aapka score kam ho gaya hai""Aapne galat click kar diya"
"Government ko 30% tax dena hoga, pehle ₹1.5 Lakh aur jama karo tabhi poora paisa niklega"
Aap apna phansa hua paisa nikalne ke chakkar mein loan lekar ya savings se aur paise dalte hai. Aur phir puri tarah aap barbaad kyoki paisa to niklta nahi.
Phase 4:- Red Flags
Ajeeb Dashboards: Agar aapko kisi aisi website par login karne ko bola ja raha hai jiske baare mein aapne kabhi suna na ho aur jahan balance real-time mein Kam/jyada dikhaya ja raha hai, toh woh 100% fake portal hai.
Jyada Paisa, Kam Mehnat: Ek 10-second ke Google review ke liye ₹150-₹200 dena economically possible hi nahi hai. Yeh sirf lalach dene ka tareeqa hai.
"Free Money" Ke Chakar Me Mat Pado
Kuch log sochte hain ki starting ka ₹200-₹300 ka bait (paise) lekar scammer ko block kar denge.
Yeh bohot dangerous hai.
Agar us scammer ka bank network cyber police ne freeze kiya, toh aapke account mein aaya hua paisa "mule/scam money" track hoga, aur aapka personal bank account bhi freeze ho sakta hai.
Phase 5:- Agar Fraud Ho Chuka Hai (Action Plan)
Golden Hour Complain (Very Important): Paise katne ke turant baad (pehle 1-2 ghante ke andar) 1930 national cyber helpline number par call karein ya cybercrime.gov.in par online complaint file karein.
Agar jaldi report kar diya, toh cyber cell scammers ke bank account (mule accounts) ko freeze karwa deta hai, jisse paisa wapas milne ke chances badh jaate hain.
Bank ko Inform Karein: Apne bank ke fraud department ko call karke transaction dispute raise karein aur un UPI IDs/accounts ko report karein jahan aapne paise bheje hain.
Comments